Ставрески: Има уште простор за намалување на каматите
08.02.2010 - 19:02 |
По бизнис секторот и Владата побара од централната банка похрабра реакција. Ефектот од намалувањето на каматите ќе беше поголем доколку НБМ тоа го направеше одеднаш.
Монетраната власт ја намалува референтната камата за половина процент секој месец од декември досега. Каматата на благајничките записи од 9 падна на 7,5%.
Бизнисмените минатата недела побараа освен намалувањето на каматите, НБМ да интервенира и во делот на задолжителната резерва која во моментов деловнте банки мора да ја имаат. Велат само на тој начин ќе се зголеми кредитирањето.
- Може да интервенира похрабро. Не само да ги намали каматите на благајничките записи, туку и да ја намали задолжителната резерва. На реалниот сектор во моментов му треба да има повеќе пари во оптег - вели Мирче Чекреџи од Сојузот на стопански комори.
НБМ за годинава очекува подобри резултати од веќе прокетираните. Лани предвидоа дека во 2010 кредитирањето ќе порасне за 6,5%, а сега сметаат дека тоа ќе изнесува 9%. Според Ставрески, новото намалувањето на каматните стапки, кое деловните банки го најавија за почетокот на март, како и намалувањето на затезните камати треба да го зголемат кредитирањето.
Наташа Хаџиспиркоска Стефанова
Бизнис
|
Коментирај