Деца на француски џихадисти од кампови во Сирија вратени дома
Десет деца на француски џихадисти, кои се наоѓаат во кампови за раселени лица под курдска контрола во Сирија, се вратени во Франција, се наведува во соопштение на Министерството за надворешни работи во Париз.
Ова се „малолетни лица, сирачиња или хуманитарни случаи“, се вели во соопштението на Министерството. Не е соопштено како децата ја напуштиле Сирија или каде точно влегле во Франција.
Децата се предадени на француското судство, ќе бидат подложени на специјални медицински прегледи и ќе бидат преземени од социјалните служби, додаде Министерството.
Од поразот на ИД во март 2019 година, Франција врати вкупно 28 деца од Сирија. Париз се заблагодари на полу-автономната курдска администрација во североисточна Сирија за соработката во новиот случај.
Франција одбива да врати дома околу 150 нејзини возрасни граѓани, мажи и жени, претпочитајќи да бидат судени на лице место. Ситуацијата е комплицирана со присуството на околу 300 деца на француски џихадисти, чие враќање се бара дозвола од нивните мајки.
Ново на Сител
-
Путин назначи нов заменик министер за одбрана
-
Гвардиола: Поблиску сум до заминување, отколку до останување во Сити
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада