ЖКК Бадел тргна со победа и пораз во младинската регионална лига

Кадетската екипа на ЖКК Бадел (кошаркарки до 17 години) новата сезона од регионалната лига ја почна со победа и пораз на турнирот одржан во Софија, Бугарија. Во првото коло Бадел ја совлада екипата на Марибор со 74:63, а решавачки за триумфот беа втората и четвртата четвртина кога кошаркарките на Бадел примија 9 односно 8 поени. Најефикасна на дуелот беше Теона Поп Стојанова со 19 поени.

И вториот дуел од првиот турнир „баделки“ го одиграа вчера (два натпревара во ист ден) и загубија од Цеље со 88:65. Поп Стојанова беше најефикасна и на овој натпревар со 23 поени. 

Бадел се наоѓа во втората група заедно со екипите на: Ловќен, Цеље, Загреб, Славија, Марибор и Рагуза.

По два одиграни натпревара Бадел е на делба од 3-5 место со екипите на Загреб и Славија. На првите две места со по две победи се наоѓаат екипите на Ловќен и Цеље. 

Следниот турнир Бадел го игра на домашен терен на 26.ноември, а противнички ќе бидат екипите на Загреб и Славија, трите тима кои имаат по една победа и еден пораз на стартот од групата.