Фудбал
28. August 2015 - 15:08

Железарец ја помина првата пречка, го очекува дуелот со Бен Гурион

Македонскиот футсал шампион, екипата на Железарец ја забележа прва победа во квалификациската Ф група, од Футсал Купот на УЕФА и сега му преостанува дуелот со Бен Гурион на кој треба да го потврди пласманот во следната фаза.
 
Железарец вчера беше подобар од Аугур од Естонија со убедливи 4:0.
 
Вечер од 20 часот играат Аугур и Бен Гурион, а утре Железарец ќе игра со израелскиот шампион.
 
Оптимистичкото расположение во таборот на македонските шампиони го пренесува капитенот Зоран Левески.
 
- Веруваме дека ќе славиме и на утрешниот натпревар против Бен Гурион, и како првопласирани во групата ќе продолжиме понатаму, изјави Левески.
 
Натпреварите се играат во СРЦ „Кале“ во Скопје, а влезот е слободен.

Ново на Сител