-->
-->
Железарец е фаворит во групата
-->
Македонскиот првак во футсал Железарец од утре до сабота ќе биде домаќин на групата Ф во рамките на Футсал купот на УЕФА. Натпреварите ќе се играат во СРЦ „Кале“, а покрај првакот на Македонија настапуваат уште шампионите на Естонија (Аугур) и на Израел (Бен Гурион).
На денешната прес конференција тренерот на Железарец Иван Божовиќ изјави:
- Ние како Железарец ја прифаќаме улогата фаворит во оваа група и очекуваме со две победи и да избориме пласман во следната фаза од ова натпреварување, кое е всушност Лигата на шампионите во футсал. Во рамките на подготовките одигравме и неколку контролни дуели. Задоволен сум од формата, има некои проблеми, но се надевам дека ќе бидат надминати и корегирани. Сите играчи се добро подготвени и присутна е позитивна трема. Се надевам дека покрај добрите игри гледачите во салата ќе имаат можност да видат и атрактивни потези од нашата екипа. За конкурентите очекувам посериозен конкурент да ни биде Бен Гурион.
Голманот на Железарец Илчо Удовалиев истакна:
- Се освен пласман во следната фаза ќе биде разочарување и неуспех. Затоа ние ќе одиме на две победи и со поддршка од навивачите очекувам да прикажеме и добри игри.
Тренерот Божовиќ истакна дека во екипата одлично се вклопија и новите играчи Дарко Ранготов (повратник) и Бразилецот Даниел де Соуса.
Според програмата утре (27.август) ќе играат Железарец и Аугур, во петок (28.август) е дуелот Аугур – Бен Гурион и во сабота (29.август) се игра последниот натпревар од групата Железарец – Бен Гурион.
Почетокот на сите натпревари е во 20 часот.
-->
-->
-->
Ново на Сител
-
Во Тетово до 15 часот за претседател - 21,31 проценти излезеност, за пратеници - 37,01 отсто
-
Во Охрид до 15 часот гласале околу 38, во Дебрца околу 37 отсто од гласачите
-
Во Гостивар до 15 часот излезеноста за претседателските под 20 проценти, за парламентарните 26,6 проценти
-
ДИК: Излезеноста до 15 часот за претседателските избори 33,73 отсто, а за парламентарните 37,44 проценти
-
Излезноста до 15 часот во Дебар, за претседателските избори 15 отсто, за парламентарните 23 отсто
-
Излезноста до 15 часот за претседателски избори е 32,28% , за парламентарни 36,89
-
Во Демир Капија над 46 отсто излезност до 15 часот, во Неготино над 42 проценти
-
Авион на Боинг принудно слета на аеродромот во Истанбул, екипажот безбеден | ВИДЕО