Ждрепка за Лига шампиони и Лига Европа
Во седиштето на УЕФА во Нион денеска ќе се одржи извлекувањето за осминафиналето од Лигата на шампионите.
Во првиот „шешир“ се наоѓаат екипите кои беа пласирани на првите места во групите: Реал Мадрид, Волфсбург, Атлетико Мадрид, Манчестер Сити, Барселона, Баерн, Челзи и Зенит.
Во вториот „шешир“ се второпласираните од групите: ПСЖ, ПСВ, Бенфика, Јувентус, Рома, Арсенал, Динамо Киев и Гент.
Распоредот на натпреварите дополнително ќе биде направен, а термините се: 16/17 февруари и 23/24 февруари (први дуели) и 8/9 и 15/16 март (реванши).
Покрај ова ќе биде извршено и извлекувањето на двојките за 1/16 финалето од Лига Европа. 32-та тима се поделени во два „шешира“ (носители и неносители).
Во групата носители се: Молде, Ливерпул, Краснодар, Наполи, Рапид Виена, Брага, Лацио, Локомотив Москва, Базел, Тотенем, Шалке, Атлетик Билбао (победници на групи), Порто, Олимпијакос, Манчестер Јунајтед и Баер Леверкузен (третопласирани од ЛШ).
Во групата неносители се: Фенербахче, Сион, Борусија Дортмунд, Митјиланд, Виљареал, Олимпик Марсеј, Сент Етиен, Спортинг, Фиорентина, Андерлехт, Спарта Прага, Аугсбург (второпласирани од групите во ЛЕ), Севиља, Валенсија, Галатасарај и Шахтјор (третопласирани од ЛШ).
Натпреварите ќе се играат на 18 февруари (први дуели) и на 25 февруари (реванши).
Почетокот на извлекувањето за Лигата на шампионите е во 12 часот, а за Лига Европа еден час подоцна.
Ново на Сител
-
Земјотрес од 2,7 Рихтерови степени во Скопје
-
Во мај или јуни ќе се разговара за можни кадровски промени во Владата, најави Мицкоски
-
Од утре врнежи, ветер и заладување
-
Анкета: Пад на рејтингот на Трамп
-
Приведен возачот кој усмрти пешак синоќа во Марино
-
Русија и Украина меѓусебно напаѓаат енергетски објекти, стотици илјади потрошувачи без струја
-
Мицкоски: Работиме деноноќно, но има поединци кои не го даваат својот максимум, ако не се коригираат ќе бидат сменети
-
Изминатите два дена 1177 сообраќајни прекршоци, приведени 25 лица за безобѕирно управување на возило
