Земјотрес на Нов Зеланд

Земјотрес со интезитет од 5,8 степени според Рихтеровата скала го погоди денеска реонот на новозеландскиот град Крајстчрч, јави ТАСС.

Како што соопшти Американскиот геофизички институт, земјотресот бил на далбочина од осум километри под површината на земјата, со епицентар на 17 километри североисточно од Крајстчрч, град на источниот брег на Јужниот Остров.  

Досега нема информации за човечки жртви и за материјални штети. 

Нов Зеланд се наоѓа во сеизмички активното подрачје на Тихиот Океан. Досега најсилниот земјотрес во оваа осторвска држава, со интензитет од 7,8 степени по Рихтер, е регистрирам во 1931 година, кога загинале 256 лица.