Зеленски: Украина ќе биде дел од Европската унија
Украина „ќе биде дел од Европската унија“, изјави нејзиниот претседател Володимир Зеленски пред објавувањето на извештајот за напредокот на Украина, која има статус на кандидат за прием во членство во Унијата.
-Утре е важен ден, кажа тој синоќа во своето редовно обраќање со некаква порака до сонародниците, оценувајќи го за „историски“ извештајот што денеска ќе биде официјално објавен.
Европската комисија денеска ќе ја објави својата оценка за состојбата на напредокот на голем број земји кандидати и ќе одлучи дали да ги отвори пристапните преговори со Украина, Молдавија и Грузија, што ќе биде потврдено на самитот на ЕУ во Брисел во средината на декември.
Зеленски потврди дека неговата земја веќе ги подготвува следните чекори, особено со зајакнување на институциите.
-Украина ќе биде дел од Европската унија, вети претседателот, осврнувајќи се на „долгиот пат“ што е веќе поминат во приближувањето кон ЕУ од јуни 2022 година, кога Украина го доби статусот на кандидат за прием, што е многу симболичен гест, забележуваат француските медиуми.
За да премине во следната фаза – отворање на претпристапните преговори, Европската комисија дефинираше седум референтни критериуми за Украина, услови што таа треба да ги исполни, особено во однос на борбата против широко распространетата корупција и судските реформи.
Ново на Сител
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции