Зеленски е подготвен да разговара само со Путин и само за завршување на војната
– Украинскиот претседател Володимир Зеленски синоќа преку видео врска до Светскиот економски форум потенцира дека Владимир Путин е единствениот руски функционер со кој е подготвен да се сретне со само една цел – да се стави крај на војната.
– Без него не се носат одлуки, а ние мора да бидеме јасно свесни за тоа… И ако зборуваме за конкретна одлука за завршување на војната, тогаш оваа одлука нема да биде донесена без него … И по она што го направи, знаете, немаме голема желба за овие средби, и не може да има голема желба да се сретнеме со посредници, така што, во принцип, не прифаќам никакви средби со никој од Руската Федерација освен со претседател на Руската Федерација. Има едно прашање на маса – за завршување на војната. Тоа е тоа. Нема за што друго да се зборува, нагласи Зеленски.
Во своето обраќање, претседателот на Украина истакна дека договарањето за какви било преговори со Русија станува се потешко поради, како што рече, евидентните дејствија на руската армија против цивилите под окупација.
Зеленски, исто така, рече дека секој обид за насилно враќање на полуостровот Крим, што Русија го анектираше во 2014 година, ќе предизвика стотици илјади жртви.
Претходно Зеленски повика за повеќе оружје и „максимални“ санкции против Москва на Светскиот економски форум во Давос, вклучително и целосно суспендирање на трговијата со Русија, која ја нападна неговата земја пред три месеци.
Ново на Сител
-
Последен ден од кампањата - Партиите и коалициите со завршни митинзи
-
Над 200 болни и 203 затвореници утре ќе гласаат во Штип
-
Со изборен навигатор можете да проверите која партија и програма се најблиску до вашите убедувања
-
Со добра понуда и бројни настани Охрид може да привлекува туристи преку цела година
-
Преглед на вестите од светот
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид