Здружение за заштита на потрошувачи во Србија повикува на месечен бојкот на трговски синџир

 Српското здружение за заштита на потрошувачите „Ефектива“ повика на обновен бојкот на трговскиот синџир Макси (Мaxi) поради високите цени, а идејата е бојкотот да трае цел април.

„Борбата за пониски цени на храната е во тек. Не влегувајте, не купувајте“, порачаа од Ефектива во објавата на социјалната мрежа Х.

Според нив, доколку Maкси ги намали цените, ќе мораат сите други трговски синџири.

На повик на тоа здружение, од јануари траат бојкоти на малопродажните синџири – првично имаше еднодневен, па петдневен бојкот на петте најголеми трговски синџири: Делезе (Макси и Шоп&Го), Меркатор (Рода и Идеа), ДИС, Универекспорт и Лидл. зш/

Потоа следеа еднонеделни бојкоти на поединечни синџири, од кои прв беше Maкси.