Заврши Интернационалниот џез викенд во Прилеп

Со настапот на руската драмендбејз атракција Салто и алтер составот на Дарко Рундек – CUL DE SAC беше затворен годинашниот Џез викенд во Прилеп. 

- И оваа година, како и изминатите, љубителите на џез музиката имаа можност да уживаат во богатата програма со повеќе изведувачи од државава и од странство, информира општина Прилеп. 

Фестивалот, како што се наведува, го презентираше музичкото творештво во светот на џезот пред прилепската публика со основна идеја за поинаков, урбан Прилеп и заложби за следење на вистинските светски културни вредности.