Затруени дваесеттина деца во детско одмаралиште во Дојран

Два случаи на труење со храна се регистрирани изминатиот викенд од кои во едниот случај се затруени 20-тина деца во детско одмаралиште во Дојран.

Децата на возраст од 7 до 14 години со симптоми на повраќање и дијареа се хоспитализирани, а кујната на летувалиштето е затворена.

При увидот направен од страна на Агенцијата за храна и ветеринарство констатирани се повеќе недоследности и земени се брисеви и мостри од храната за понатамошна лабораториска анализа.

Во вториот случај двајца сопружници со симптоми на триење се хоспитализирани по конзумирање на слатки од слаткарница во скопско Драчево. 

И во овој случај, инспекциските служби на Агенцијата за храна и ветеринарство направиле увид, наредиле мерки и ја затвориле слаткарницата до обезбедување на потребните услови за безбедно подготвување и послужување на храната.

Агенцијата за храна и ветеринарство апелира да се почитуваат препораките како да се ракува и консумира храната во летниот период особено при екстремно високи температури.