Започна реконструкцијата на старата училишна зграда во Пехчево

Живко Каликов, од одделението за контакт со граѓаните во Општина Пехчево за МИА истакна дека старата зграда која со години стоела напуштена и руинирана, конечно, ќе биде повторно ставена во функција на образовниот процес.

 

- Ова е прва реконструкција на овој училишен објект од неговата изградба. Ќесе реконструира, буквално, на сите позиции – покривот, прозорите, подовите,односно ќе добиеме современо училиште. Ова значи дека ќе ја вратиме образовната функција на старата училишна зграда, рече Каликов.

 

Средствата во целост се обезбедени од Министерството за образование и наука, а вредноста на реконструкцијата е 9 милиони денари.

 

Во диспарзираните паралелки во Пехчево на СОУ „Ацо Русковски“ учат 140 деца кои слушаат настава во 7 паралелки.

 

- Досега наставата се следеше во училници од деветолетката пру ООУ „Ванчо Китанов“-Пехчево. Со реализацијата на овој проект ќе се реши големот проблем и за учениците и за наставниот кадар што ќе значи  подобри услови за работа, додава Каликов.

 

Според најавите, градежните работи на старата училишна зграда треба да завршат до крајот на летото, а новата учебна година,пехчевските средношколци ќе ја започнат во нови училници.