Заоралек: ЕУ има граници и црвени линии во врска со Турција

Чешкиот министер за надворешни работи Лубомир Заоралек оцени дека Европската унија (ЕУ) во односите со Турција има лимити и црвени линии, како на пример по прашањето за повторно воведување на смртната казна, јави дописникот на МИА од Прага.

Сепак, министерот, кој денеска учествува на состанокот на шефовите на димпломатиите на земјите- членки на ЕУ, смета дека би било грешка уште сега да се прекинат пристапните разговори со таа земја.

Како што пренесоа чешките медиуми, Заоралек во Брисел додаде оти е убеден дека одржувањето на Турција како партнер на ЕУ е во интерес на двете страни, вклучувајќи ги и миграциските договори склучени пролетта.