Аргентински „спајдерменовци“ се обидоа да постават нов светски рекорд
На собир во Буенос Аирес, Аргентина, вчера, повеќе од 1.000 луѓе – сите облечени како култниот суперхерој „Спајдермен“ на „Марвел“, се обидоа да постават нов светски рекорд во бројност.
Настанот е организиран од аргентинскиот „инфлуенсер“ Уки Дин. Целта беше да се собори светскиот рекорд за најголем собир на луѓе облечени како „Спајдермен“ на еден јавен собир. Во Малезија претходно, во јуни, имаше рекордни 685 „спајдерменовци“ на едно место. Тоа влезе и во Гинисовата книга на рекорди.
Говорејќи пред новинарите, Дин рече дека „сакал да повика 700 лица“, но дошле многу повеќе.
– Имаме повеќе од 1.000 потписи (за присуство, з.п.). Лудо е тоа што сѐ „Спајдермен“ може да поттикне. Тоа ме радува многу!, додаде тој.
Гинисовиот рекорд допрва ќе треба да се провери и потврди. Организаторите побараа од учесниците да ги дадат своите потписи и да бидат фотографирани како дел од документацијата за рекордот.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата