Заменик-директор на турско училиште ги прогласи народните танци за грев
Заменик-директор на едно училиште во Турција ги прогласи народните танци за грев, бидејќи во нив „мажи и жени кои не се во брак се држат за раце“, објави денеска турскиот весник „Созџу“, посочувајќи дека „фанатичкиот директор“ за ваквиот став добил поддршка и од локалниот огранок на турската владејачка Партија на правдата и развојот (АКП).
„На каква лица им е доверено управувањето во Турција“, гласи насловот на веста, во која весникот информира за случај во округот Малатија во источна Турција, каде зменик-директор на локална гимназија ги осудил народните танци.
- Под називот народни танци се играат несоодветни танци. Што точно од овие танци е во согласност со Исламот? Ќе го дозволи ли тоа еден татко, кој прави прекршок во име на честа?, напиша на својот профил на социјалните мрежи, заменик-директорот Н.Т.
„Созџу“ објави дека по ова членови на опозициската Републиканската народна партија оргнизираа протест играјќи оро пред училиштето во кое Н.Т. е заменик-директор.
Во меѓувреме Н.Т. доби поддршката од претседателот на регионалниот огранок на АКП во Малатија, Мирач Ѓочмез, кој целиот случај го искоментира со зборовите: „човекот е во право“.
Ново на Сител
-
Руските безбедносни сили упаднале во притворниот центар и ги убиле затворениците кои држеа двајца чувари како заложници
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери
-
Објавени правилата на дебатата меѓу Бајден и Трамп, која ќе се одржи на 27 јуни
-
Фидан: Мировниот предлог на Путин е трошка надеж