Захариева: Договорот за добрососедство ќе се ратификува следната недела
Вицепремиерот и министер за надворешни работи на Бугарија Екатерија Захариева изјави дека се надева оти Договорот за добрососедство со Македонија ќе биде ратификуван идната недела во бугарското Народно собрание.
Во интервју за Бугарската национална телевизија, Захариева изјави и дека ќе се формира комисија за историја, со цел таа да не се политизира.
Во однос на прашањето за името, шефот на бугарската дипломатија нагласува дека Софија одамна ја призна Република Македонија под уставното име, пренесува МИА.
- Важно е да се среќаваат луѓето, да се подобри инфраструктурата меѓу двете држави. Петстотини илјади македонски граѓани ја посетуваат Бугарија, а 350 илјади Бугари одат во Македонија. Прашањето е како ќе се применува тој договор. Од тамошната опозиција јазикот кон Бугарија е сосема различен. Силниот национализам и кампањата против соседите покажа дека не носат резултати, рече Захариева.
Премиерите на Македонија и на Бугарија Зоран Заев и Бојко Борисов на 1 август, годинава, во Скопје го потпишаа Договорот за добрососедство и пријателство меѓу двете земји. Двајцата договорот го оценија како историски исчекор кој ќе трасира пат кон стабилност на двете земји и регионот
Со документот кој треба да биде ратификуван во двата парламента, меѓу другото се предвидува и формирање на Комисија за историски и образовни прашања, на паритетна основа, за да придонесе за објективно и засновано на докази научно толкување на историските настани.
Ново на Сител
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога