Заев-Вучиќ: Македонија и Србија ќе ги унапредуваат односите, проблемите ќе се решаваат со дијалог
Македонскиот премиер Зоран Заев и српскиот претседател Александар Вучиќ денеска телефонски разговараа за новонастанатата состојба во односите меѓу Македонија и Србија.
Заев и Вучиќ, како што се наведува во заедничкото соопштение, се согласиле дека Република Македонија и Република Србија секое евентуално несогласување во меѓусебните односи ќе го решаваат исклучиво со дијалог.
- Без оглед на сите политички разлики за одредени важни политички регионални прашања, Македонија и Србија заеднички ќе се борат не само за зачувување, туку и за унапредување на пријателските односи меѓу македонскиот и српскиот народ и граѓаните на двете земји, стои во заедничкото соопштение.
Заев и Вучиќ се согласиле и дека Македонија и Србија се согласиле да вложат дополнителни напори за натамошно унапредување на економските односи и зголемување на трговската размена меѓу двете земји.
- Република Македонија и Република Србија во согласност со меѓународните правни прописи, во добра волја и на пријателска основа ќе ги штитат правата и интересите на дипломатско-конзуларните претставништва на својата територија. Република Македонија и Републикиа Србија ќе ја интензивираат меѓусебната комуникиација на највисоко ниво, меѓусебно ќе се подржуваат на европскиот пат и ќе ги јакнат добрососедските односи и стабилноста во регионот, се наведува во заедничкото соопштение издадено по денешниот телефонски разговор меѓу претседателот на Владата на Македонија Зоран Заев и претседателот на Србија Александар Вучиќ.
Ново на Сител
-
Во Прилеп се оддржа „Палачинкијада“ и се прогласи првенци на генерација
-
Преглед на вестите од светот
-
ЗНАМ ги соопшти имињата на новите министри
-
Tема на денот со Кирил Барбареев, универзитетски професор
-
Милошоски, Бендевска и Митрески избрани за потпретседатели на Собранието
-
Факултетот на Мерко се уште нема акредитација, а веќе се објавени условите за упис
-
Двојно убиство во Кратово: Жена ги избодела сопругот и свекорот
-
Лога: Уште сум против работата на Судски, ама разрешување не е решение