Заев најави генерален реизбор на судиите по 11 декември
Генерален реизбор на судиите во Македонија по 11 декември, најави на денешната прес-конференција лидерот на СДСМ Зоран Заев.
- Ниеден судија повеќе нема да си дозволи да осудува невини луѓе. Ниеден судија нема да смее да помисли да монтира судски процеси и ниеден судија нема да помисли да работи за криминалци затоа што криминалците ќе бидат таму каде што им е местото..., рече Заев.
Додаде дека и сега има поединци во судството кои одважно ја бранат прадвата, за што, како што рече, трпат последици.
- Со реизборот на судството политичарите, извршната власт ќе мора да ги повлечат канџите од судството. Реизборот ќе се случи по критериуми што веќе во повеќе земји даваат видливи резултати, истакна Заев.
Дополнително, како што рече, бројчаникот што ќе го постават да врти на Триумфалната капија, ќе покажува како секој денар украдени пари на граѓаните се враќаат и ќе биде паметник за секого, дека за такво зло врз граѓаните, се одговара.
- Доаѓа време кога секој ќе биде еднаков пред законот. Секој заслужува правда и ве уверувам ќе има контрола над власта и ќе има правда за сите во Македонија, рече претседателот на СДСМ.
На новинарско прашање во врска коалицирањето со претседателот на Српската напредна странка, Драгиша Милетиќ, Заев рече дека на Конгресот, а претходно на Централниот одбор на партијата, донеле одлука со која му дале целосно право нему да склучи договор со сите оние со кои СДСМ одлучи да стапи во коалиција.
Оваа одлука, според него, нема да влијае на рејтингот и на единството во партијата. Рече дека Милетиќ за возврат не барал ништо.
Одговарајќи на новинарско прашање во врска со доставувањето на листите за кандидати за пратеници, Заев изрази уверување дека ќе бидат обезбедени сите документи и дека комплетирањето на листите ќе биде завршено во предвидениот рок до полноќ.
Ново на Сител
-
Мажите мора да служат војска | Димитар Атанасовски | Лабави муабети | Sitel Podcast 44
-
Уапсен штипјанец кој ја нападнал сопругата со која се разведува
-
Приведен штипјанец по пријава дека физички ја нападнал сопругата
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите