Заев: 8 Септември е круна на вековниот процес за создавање на македонската држава
„8 Септември е датум кој претставува круна на вековниот процес на создавање на македонската држава. Исполнет е идеалот и стремежот на многу генерации пред нас“, истакна премиерот Зоран Заев на обраќањето по повод Денот на независноста.
Денес, 29 години подоцна, се стекнавме со посебен углед во светот и се стремиме кон унапредување на демократскиот амбиент во државава, посочи Заев. Во развивањето многу ни помогнаа ЕУ и НАТО, кои ни служеа како најважни стратешки патокази низ годините, рече премиерот, додавајќи дека со договорите со Грција и со Бугарија направивме значителен пробив на меѓународен план. Заев поводот го искористи и за порака до домашните политички субјекти.
„Ја повикувам опозицијата да ги напушти теснопартисиките интереси", рече Заев.
Напомена и дека главен предизвик и понатаму останува развивањето на економијата и реформите во судството, како и справувањето со пандемијата.
Годинава, поради пандемијата со Ковид-19, прославата беше одржана во посебни услови, согласно протоколите на Комисијата за заразни болести за одбележување државни празници, без масовни народни собири, со минимум присутни лица и почитување на мерките за заштита и растојание.
Горан Симоновски
Ново на Сител
-
Управниот суд одби 3 жалби на Европскиот фронт - вечерва одлучува по уште 4 жалби
-
Во Скопје почна одбележување 50 години од формирањето Француски институт во Македонија
-
Тема на денот со Васко Наумовски
-
Управен суд одби една од тужбите на Европски фронт, за другите одлучува
-
Зафировски: Зборувањето е лесно, треба да се сработи, за да оди државата напред
-
Тинекс одбележа 30 години постоење
-
Управен пред одлука
-
ДИК се пожали на притисоци, членовите стравуваат за сигурноста