Задоволни сме со една победа од двомечот со Естонија

Македонската одбојкарска репрезентација в петок, 10-ти и сабота 11-ти јули ги игра првите средби со Естонија на гости во рамките на Европската лига.

Почетокот в петок е во 21ч а во сабота во 20ч.

Во нашиот табор се свесни дека играат против квалитетен противник но горат од желба да обезбедат барем полуфинале како и минатата сезона кога го освоија третото место.

Математиката вели дека секој поен може да биде драгоцен и заедно со победите на домашен терен да се дојде до полуфинале - истакнуваат во нашиот табор.

Репрезентативците за Естонија заминуваат вечерва преку Истанбул каде ќе преноќат а се враќаат по истата рута во понеделник.

Капитенот Никола Ѓорѓиев кој е наш најголем адут ги истакна добрите подготовки е смета дека недостатокот на контролни средби нема да влијае многу на играта во Естонија:

Морам да ги пофалам атмосферата во репрезентацијајта и условите кои ни ги обезбеди Федерацијата овој пат и да ги пофалам младите одбојкари кои имаат голем напредок во својата форма. Нема од што да се плашиме, ќе одиме гради в гради и на победа во првиот меч. На вториот нема притисок, само да не останеме на нула. Гостински бод ќе значи многу, особено пред завршните два меча со Полска“, истакна капитенот Ѓорѓиев.