За велигденските празници 24-часовна здравствена заштита

Службите на Здравствен дом Скопје во текот на празничните денови ќе обезбедуваат 24-часовна здравствена заштита преку дежурните ноќни пунктови во Поликлиника Идадија, Ченто, Чаир, Ѓорче Петров, Бит Пазар, Јане Сандански, Шуто Оризари, Драчево.

Дежурната специјалистичка служба во Поликлиниката Букурешт утре ќе работи од 8 до 16 часот, а Службата за Итна медицинска помош ќе работи 24 часа. 

Согласно изминатиот период на постење се препорачува граѓаните да внимааат со внес на храна од животинско потекло и консумација на алкохол пред се од здравствени причини, како и поради безбедност во сообраќајот, информираат од Здравствен дом Скопје.