За утре закажана конститутивна седница на новото бугарско Собрание

Новоизбраното Народно собрание на Бугарија утре ќе ја одржа својата конститутивна седница, која согласно Уставот, ја свика бугарскиот претседател Румен Радев.

Во новиот, 44-ти состав на Собранието влегуваат пет политички субјекти - конзервативната партија Граѓани за европски развој на Бугарија (ГЕРБ) со 95 пратеници, коалицијата „БСП за Бугарија" предводена од Бугарската социјалиситчка партија (БСП) со 80 мандати, блокот Обединети патриоти со 27, Движењето за права и слободи (ДПС) со 26 и партијата Волја со 12 пратеници.

По полагањето заклетва на партениците и воведните обраќање на претставниците на пратеничките групи, предвиден е избор на претседателот на Народно собрание и негови заменици и усвојување на Правилниник за работа и организација на Парламентот.