За неколку недели Алепо ќе биде под контрола на владините сили, тврди портпарол на сириската армија

Портпаролот на сириската армија генерал Самир Сулејман изрази очекување дека цел Алепо ќе биде во рацете на владините сили во рок од неколку недели.

Силите на сириската армија веќе имаат под контрола повеќе од половината од источниот дел од Алепо.

Сулејман потврди за Би-Би-Си дека силите на сириската армија имаат контрола врз 60 отсто од источно Алепо.

Сириската организација за човекови права претходно соопшти дека владата во Дамаск со заземањето на округот Тарик ал-Баб под своја контрола ставила речиси 60 отсто од источно Алепо кои бунтовниците го имаат од 2012 година.