Вулкан на Камчатка еруптира за прв пат по 600 години

Првата ерупција на вулканот Крашениников по 600 години е регистрирана во источниот дел на рускиот полуостров Камчатка, а се очекува северниот кратер на вулканот да се прошири, изјави Олга Гирина, раководител на тимот за одговор на вулкански ерупции на Камчатка.

-Ова е прва ерупција на вулканот Крашениников по 600 години, изјави Гирина.

Претходно, Главната дирекција на руското Министерство за вонредни ситуации за регионот Камчатка пријави емисија на пепел од вулканот Крашениников, која се случила на надморска височина до шест километри, при што самиот вулкан е висок 1.856 метри.

Гирина изјави дека во моментов се забележува пукнатина во наклонот и формирање на лавина купола, што е придружено со силна активност на пареа и гас, додека во исто време, над северниот кратер на вулканот се формирал столб од пепел.

Таа рече дека ерупцијата може да биде поврзана со силниот земјотрес што се случи пред четири дена, кога Камчатка го доживеа најсилниот земјотрес од 1952 година, со магнитуда од 8,8 степени, а потреси до осум степени беа почувствувани и на северните Курилски Острови.

Закана од цунами беше прогласена на Камчатка и во Северниот Курилски округ, каде што беше прогласена и вонредна состојба, а четири цунами делумно ја оштетија пристанишната инфраструктура и други објекти.

МИА