Вучиќ: Ќе ни предложат да го признаеме Косово, за да не дојде до создавање на Голема Албанија
Претседателот на Србија, Александар Вучиќ, оцени денеска дека на претстојните предвремени парламентарни избори во Косово „несомнено“ ќе победат силите што се залагаат за голема Албанија што странците потоа ќе го искористат за да извршат притисок врз Србија за признавање на независноста на Косово.
Вучиќ оцени дека Србија во секоја смисла ја чека „многу тешка пролет, тешко лето и тешка есен“.
-На овие избори (во Косово) сигурно ќе победат силите што инсистираат на обединување со Албанија. Така рече Рамуш Харадинај, тој е опасен човек кој очекува на Албин Курти да му треба една албанска партија за коалиција и се залага да биде таму и подоцна да биде избран за претседател на Косово. Тогаш тие би ја имале таа коалиција за голема Албанија, оцени Вучиќ за ТВ Прва.
Тој додаде дека после тоа странците ќе и ја изнесат на Србија идејата за признавање на независноста на Косово како компромисно решение заради спречување на формирањето на Голема Албанија.
-Затоа е важно да се обидеме да ја зачуваме силата на Српската листа (на Косово), но и да се подготвиме за тешки притисоци, кажа Вучиќ.
Српскиот претседател изјави дека аферата со прислушувањето на неговите разговори и членовите на семејството била „многу болна во лична смисла“, но додаде дека е горд „на фактот“ што нема што да се извлече од тие разговори.
Тој повтори дека нема да зборува за таа афера, но ги повика оние кои како што изјави, мислеле да го уценуваат, да ги објават прислушуваните разговори.
Коментирајќи го барањето на дел од опозицијата да се формира министерство за избори, Вучиќ изјави дека „нема да има никакво министерство за избори“.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња