Втор ден од претседателската кампања
Претседателските кандидати денеска со средби со граѓани и митинзи ја продолжуваат изборната кампања.
На вториот ден од кампањата, кандидатот на СДСМ и коалицијата Стево Пендаровски ќе биде во скопско и ќе ги посети Сопиште и Студеничани, а за попладне закажани се митинзи во Центар и Аеродром.
ВМРО-ДПМНЕ и коалицијата денеска ќе го претстават својот кандидат Гордана Силјановска-Давкова пред граѓаните на Дебарца, Струга и Ресен.
Претседателскиот кандидат на Алијанса за Албанците и Беса, Блерим Река, според најавите, за денеска нема закажано активности.
Кампањата официјално започна вчера, а ќе трае до 19 април по што следува 24-часовен изборен молк пред денот на гласањето.
Тројцата кандидати за претседател на државата ветија мирна и фер кампања со посета на речиси сите населени места. Тие вчера ја започнаа кампањата – Пендаровски од Прилеп, Силјановска од Охрид и Река од Скопје.
Според најавите, СДСМ во среда во Скопје во арената „Борис Трајковски“ ќе одржи конвенција, а ВМРО-ДПМНЕ го има закажано централниот митинг во Скопје во сабота на 13 април.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден