Времен режим на сообраќај во населба во Куманово, поради рехабилитација на железничкиот Коридор 8
Поради рехабилитација и реконструкција на железничката пруга Куманово-Бељаковце, како дел од проектот за Рехабилитација на Железничкиот Коридор 8 од утре почнува времен режим на сообраќај во кумановската населба „Перо Чичо“, соопштија денеска од компанијата изведувач Х.Ф.Вибе. Според информациите од компанијата ќе се изврши пообемен градежен зафат за реконструкција и рехабилитација на постоечкиот железнички подвозник и изградба на нов патен надвозник на улицата „Ѓорче Петров“.
– Во текот на извршување на овие активности, сообраќајот ќе се одвива под посебен времен режим, согласно решението за утврдување на условите и режимот на сообраќај издадено од општина Куманово. Активностите ќе се одвиваат на одредена локација под и околу мостот на улицата Ѓорче Петров, а локалното население ќе има слободен пристап до своите домови преку пешачките патеки, како и со користење на веќе постоечката сообраќајна инфраструктура.– се наведува во соопштението на Х.Ф. Вибе.
Градежните активности фирмата Х.Ф.Вибе ќе ги извршува до средината на ноември 2019 година.
Ново на Сител
-
Мицотакис: Провокативна, незаконска и недозволива иницијатива од новата претседателка на Северна Македонија
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции
-
Во Косово од денеска само евра, измина преодниот рок што го одреди Централната банка за динарите
-
Факти за Андреј Белоусов, новиот руски министер за одбрана
-
Денеска средба Ердоган – Мицотакис во Анкара
-
Променливо облачно и сончево, попладне услови за дожд и грмежи