Македонија
27. March 2023 - 8:16

Вработените во Министерството за култура повторно излегуваат на протест

Пред Министерството за финансии денеска во 10 часот повторно излегуваат на протест вработените од Министерството за култура, Управата за заштита на културното наследство и Агенцијата за филм.

Преку мирен протест ќе го изразат незадоволството поради своите недостоинствени месечни примања.

Во Министерството за култура и Управата за заштита на културно наследство, платите на скоро 70% од вработените се под просечната плата во Република Северна Македонија, а разликата со платите на вработените на истите позиции во установите од областа на културата е и по 10.000 денари.

Вработените во овие три институции бараат покачување на платите по примерот на вработените во Министерството за финансии, кои со Закон се зголемија за 30%.