Вонредна прихрана на дивечот на неколку локации во каменичко
Покрај редовните законски одредени денови за прихрана на дивеч во зимскиот период што го спроведоа во декември и јануари Ловното друштво „Македонска Каменица – Саса“, во изминатиот период спроведе нови вонредни акции за прихрана на дивеч во планинските предели на селата Луковица, Костиндол, Вратиславци и Драмче. Прихраната, како што информира Гоце Стоиловски, претседател на каменичкото ловно друштво, се врши најмногу поради сушниот период што го зафати регионот.
– Како концесионери на ловиштето „Вратиславци“ што е со големина од околу 6.000 хектари, во изминатиот период спроведовме вонредни акции за прихрана на дивечот. Прихраната ја вршевме преку достава на вода во калишта и поилки на неколку локации во горе споменатите села. Невообичаено сушниот период е причината за овие вонредни акции што ги спроведовме од една едноставна причина, а тоа е недостигот на храна во природата. Поради сушата и доцнењето на вегетацијата, посадивме и неколку костени, што исто така ќе бидат извор на храна за понатаму, информира Стоиловски.
Додава дека ставањето сол е исто така дел од прихраната што ја врши ловочуварската служба.
Ловното друштво „Македонска Каменица – Саса“ брои околу 80 членови, а ловиштето „Вратиславци“ е честа мета на гости ловџии од Скопје. Минатата година за прв пат на ловиштето во Македонска Каменица, заедно со ловџии од Германија се организираше лов на волци.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд