Водовод: Секој скопјанец дневно троши по 664 литри вода

Скопјани во еден ден потрошиле вода доволна за да се наполнат 140 олимписки базени или во просек секој граѓанин на главниот град за еден ден потрошил 664 литри.

Ваква пресметка направиле во Водовод и канализација уште еднаш апелирајќи водата да се користи рационално бидејќи градскиот водовод во летните месеци се соочува со недостаток.

Како последица на сето ова, се соочуваме со прекини на водоснабдувањето на високите зони во делови од градот, нагласуваат од ЈП Водовод и канализација – Скопје.

Од Водовод велат дека потрошувачката е предизвикана од неконтролирано трошење на водата за полевање на зеленило, бавчи и ниви, за перење автомобили, за полнење на базени. Скопје на дневно ниво во летните месеци троши по 350 илјади кубни метри вода.