Во Виена се очекува церемонија за постигнување спогодба меѓу Иран и шесторката

Церемонијата за усвојување на спогодбата за иранската нуклеарна програма меѓу Иран и шеторката (петте постојани члени на Обединетите нации плус Германија) се очекува да се одржи денеска изутринава во седиштето на ОН во Виена по пленарната седница на делегациите, изјави дипломатски извор, јави ТАСС. 

Пленарната седница за евентуална конечна спогодба, со која ќе се ограничи нуклеарната програма на Иран во замена за укинување на санкциите ќе почне во десет часот по локано време во седиштето на ОН во Виена. 

- Склучувањето на спогодбата е можно да се случи денеска, изјави во Виена иранскиот министер за надворешни работи Мохамед Џавад Зариф. 

Според европски дипломатски извор Европската унија ќе ги замрзне санкциите против Иран до крајот на годината и ќе биде донесена одлука за нивно целосно укинување.