Во Виена преговори за кризата во Сирија
Во Виена вчера се одржа четиристрана средба посветена на пронаоѓање политичко решение на кризата во Сирија. Разговорите на министрите за надворешни работи на САД, Русија, Саудиска Арабија и Турција траеја помалку од еден час, јави ТАСС.
Разговорите ќе продолжат и денеска и во нив ќе се вклучат високи дипломати на околу 20 држави.
- Министерската средба за Сирија в петок може да го отвори прозорецот за политичко уредување на конфликтот, изјави доцна синоќа високиот претставник на Европската унија за надворешна политика и безбедност Федерика Могерини.
Таа посочи оти е потребно да се покаже флексибилност и да се прошири просторот за политички дијалог.
Во разговорите во Виена денеска освен министрите за надворешни работи на САД, Русија, Саудиска Арабија и Турција ќе учествуваат и претставници на европски земји, Франција, Германија, Велика Британија, Италија, како и како и на земји од Блискиот Исток и Северна Африка, Иран, Катар, Обединетите Арапски Емирати, Ирак, Либан и Египет.
На средбата учествува и Могерини и специјалниот пратеник на ОН за Сирија, Стефан де Мистура.
Ново на Сител
-
Спасителите на вода неопходност за безбедни капалишта
-
Националната земјоделска мрежа ги утврди производната и откупната цена на пченицата
-
Во Прилеп се оддржа „Палачинкијада“ и се прогласи првенци на генерација
-
Преглед на вестите од светот
-
ЗНАМ ги соопшти имињата на новите министри
-
Tема на денот со Кирил Барбареев, универзитетски професор
-
Милошоски, Бендевска и Митрески избрани за потпретседатели на Собранието
-
Факултетот на Мерко се уште нема акредитација, а веќе се објавени условите за упис