Во судирите помеѓу израелската армија и Палестинците загинаа најмалку седум лица
Судирите помеѓу израелската војска и палестинските сили продолжија и денеска, а во изминатите 24 часа истрелани се над 400 ракети врз Израел.
Во нападите загинаа најмалку шест Палестинци, меѓу кои и бремена жена и дете, како и еден Израелец.
Израелскиот одбранбен систем Железна купола пресретна повеќе десетина проектили.
Воздушните напади во знак на одмазда предизвикаа големи експлозии ширум Појасот Газа. Палестинското Министерство за здравство соопшти дека при израелските напади убиено е 14-годишно бебе, кога бомба погоди куќа во источниот дел на Газа. Во нападот повредена беше и неговата бремена мајка, која подоцна почина во болница.
Тројца Израелци се повредени откако ракета истрелана од Појасот Газа погоди фабрика во градот Ашкелон. Двајца од повредените се во критична состојба.
Израелскиот премиер Бенјамин Нетанјаху денеска издаде наредба за интензивирање на нападите на израелските сили врз екстремистите во Појасот Газа. Тој исто така нареди распоредување на дополнителна тенковска бригада на границата со Појасот Газа и најави одлучен одговор од страна на израелската армија.
– Им наредив утрово на Одбранбените сили на Израел да продолжат со масивните напади врз терористите во Појасот Газа и дадов инструкции силите околу Појасот да бидат зајакнати со тенкови, артилерија и пешадија, истакна Нетанјаху.
Судирите помеѓу израелската армија и палестинските сили продолжија и синоќа, а во изминатите 24 часа истрелани се над 400 ракети врз Израел. Во знак на одмазда израелските авиони нападнаа цели ширум Појасот Газа.
Насилството почна во петокот, кога снајперист од палестинскиот Исламски џихад пукаше врз израелски војници и притоа се ранети двајца. Израелската армија одговори со воздушни напади, при што се убиени двајца милитанти од Хамас, под чија контрола е Појасот Газа. Палестинските власти тврдат дека во петокот се убиени и двајца Палестинци, кои протестирале во близина на границата.
Ново на Сител
-
КФОР формира кордон на Ибарскиот мост во Митровица
-
Српско МНР: Меѓународната заедница итно да го заштити српскиот народ на Косово
-
Стано: Последните еднострани акции на Приштина на север ризикуваат натамошна ескалација
-
Приведен осомничен крадец во радовишко
-
Силвио Мировски е светски првак во кик бокс
-
МОН: Над 1 000 образовни асистенти во новата учебна година ќе бидат поддршка на учениците со попреченост
-
Деветнаесет маратонци денеска ќе пливаат на 37. Охридски пливачки маратон
-
Ѓоковиќ: Го играв најлошиот тенис на УС Опен, без енергија, понекогаш се чувствував како аматер