Во Србија расте бројот на пациенти на респиратори, 276 новозаразени со коронавирусот

Во последните 24 часа во Србија се регистрирани уште 276 лица заразени со Ковид-19, а три лица починале, со што вкупниот број на жртви е зголемен на 277, објавено е денеска на интернет страницата ковид-19.рс.

Во исто време, расте и бројот на лица на респиратор и денеска има 42, што е за шест повеќе од вчерашниот пресек, додека вкупно се активни 1.625 случаи.

Во изминатите 24 часа тестирани се 8.377 лица, а вкупниот број на тестирани изнесува 401.240.

Од почетокот на епидемијата во Србија се регистрирани 14.564 случаи на новиот коронавирус, а починале 277 лица со што стапката на смртност е 1,90 проценти.