Во Словенија илегално влегле 1.100 бегалци

Словенечката полиција соопшти дека до утринава од Хрватска илегално во Словенија влегле над 1.100 бегалци.

Тие се регистрирани на приемниот центар во Брежице и префрлени во прифатни центри низ Словенија.

Според претставничката на полицијата Аленка Дреник, податоците за бегалците не се конечни.

На граничниот премин Обрежје-Брегана уште чекаат неколку стотина бегалци.

Словенечката влада претходно објави дека ќе прифати баратели на азил, но ќе депортира секој за кого ќе се утврди дека е илегален мигрант.