Во Сирија стапи во сила прекинот на огнот
Прекинот на огнот стапи на полноќ во сила во Сирија, како што е договорено врз основа на американско-рускиот план за кој завојуваните страни се обврзаа дека ќе го почитуваат, а како што известуваат агенциите, оружјето главно стивнало во земјата, разорена од петгодишната војна.
Од договорот за примирје исклучени се исламистичките групи Фронтот Ал Нусра и Исламска држава, што предизвикува сомнеж во одржливоста на примирјето.
Пукотниците престанале во предградијата на Дамаск и Алепо на северот на земјата, каде во изминатите денови се водени жестоки борби, а Опсерваторијата за човекови права објави дека е мирно на северот на провинцијата Латакија и во централните провинции Хомс и Хама.
Пратеникот на ОН за Сирија Стефан де Мистура најави дека новата рунда преговори ќе почне на 7 март доколку примирјето се одржи.
Советот за безбедност на ОН еден час пред стапувањето во сила на примирјето едногласно го поддржа договорот со усвојување на резолуција, за која нацрти изработија САД и Русија.
Русија вчера соопшти дека сите страни се подготвени за примирје, додека Турција изрази сериозна загриженост во врска со договорот за примирје меѓу силите на сириската опозиција и официјален Дамаск кои го предложија Вашингтон и Москва.
Сириската опозиција соопшти дека ќе го почитува примирјето, но изрази сериозна загриженост поради недостигот на јасен механизам за примена на договорот.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари