Во штипското училиште „Димитар Влахов“ се реши проблемот со греењето
Во штипското Општинско основно училиште (ООУ) „Димитар Влахов“ годинава е решен проблемот со затоплувањето на училниците. Миле Младеновиќ директор на ООУ „Димитар Влахов“-Штип вели дека инвестицијата во парните котли доаѓа од општината и од нивни сопствени средства.
– Го решивме и проблемот со затоплувањето на спортската сала. Поставивме 12 калорифери, со што го подобривме квалитетот на наставата по физичко, вели Младеновиќ.
Тој истакна дека извршена е и реконструкција на ходниците, со нови гранитни плочки, кои ја зголемуваат хигиената во самото училиште. Во текот на годината реконструирани се и кабинетите со најнова опрема, со што за учениците од повисоките одделенија воведена е кабинетска настава.
Во моментов се реновираат вкупно и 12 санитарни јазли во училиштето. Ова општинско училиште е едно од најголемите во Штип, каде што наставата ја посетуваат ученици од најголемите населби Сењак, Дузлак, Дузлачки рид и Света Недела.
Ново на Сител
-
Се гласа за Српската влада
-
Тема на денот со Иван Пешевски, ССМ
-
Масовен протест за 1 Мај: Синдикатите побараа 450 евра минимална плата од новата влада
-
Работниците креваат глас
-
Првомајската традиција продолжува
-
Охрид полн со туристи за 1 Мај
-
Експерти: Екстрадицијата на Палевски треба да се прави во најголема тајност
-
Студен туш за барањата на Максим Димитриевски - за него пак, ароганцијата на СДСМ е ненадминлива