Во Штип во текот на месецов регистрирани 283 случаи на грип

Бројот на заболени од грип и заболувања слични на грип на територија на Општина Штип се зголемува, само од почетокот на февруари до вчера регистрирани се 283 случаи на грип и заболување слични на грип, информираат денеска преку писмено соопштение од Центарот за јавно здравје-Штип.

- Заклучно со седмата недела од 2025 година, во општина Штип пријавени се вкупно 609 случаи на групни пријави за заболени од грип/заболуваньа слични на грип.Во возрасната група од 0-4 години пријавени се 39 лица, на возраст од 5-14 години пријавени се 74 лица, на возраст од 15-64 години пријавени се 416 лица и во возрасната група над 65 години пријавени се 80 заболени лица, се вели во соопштението од Центарот за јавно здравје-Штип.

Во него се наведува дека  по месеци започнувајќи од месец ноември регистрирани се осум случаи, декември – 11,  јануари – 307 случаи, а  февруари – 283 случаи. Согласно овие податоци, во Општина Штип има висок интензитет на вирусот на грип, велат од Центарот за јавно здравје - Штип

Матичните лекари во овој период препорачуваат често миење на рацете, провретрување на просториите, внесување на течности како чаеви, сокови, лимонади, но доколку ситуацијата се влошува потребни се консултации со матичен лекар. Oна што особено лекарите апелираат е граѓаните да не се лекуваат на своја рака, бидејќи грипот е вирусно заболување.