Во Штип се асфалтираат улици во населбата „Балканска“

Во штипската населба „Долна Блканска“ денеска се асфалтираа помали улици во должина од 400 метри, а инвестицијата на Општина Штип е околу 650.000 денари, информираше Тоше Ѓеоргиев од Одделението за Локален еконмски развој при Општина Штип.

- Изведувач на работните активности е „Коле транс инжињеринг“од Штип. Денеска завршуваат и градежните активности на овие улици. Претходната година ги асфалтиравме улиците во Горна Балканска и со ова населбата „Балканска“ ќе добие пристојна инфраструктура со водовод, канализација и асфалтирани улици, вели Ѓеоргиев.

Тој најави дека утре почнува и изградбата на улиците во населбата „Дузлачки рид“, а вкупната вредност на овој проект е над четири милиони денари.