Во Штип одбележани 83 години од депортацијата на Евреите

Со положување цвеќе, комеморативна програма и посета на еврејските гробишта во Штип, денеска се одбележа 83 години од депортацијата на Евреите во Штип. На настанот присуствуваа вицепремерот Љупчо Димовски, министерот за култура Зоран Љутков, пратениците во македонското Собрание, Никола Мицевски, Душко Иванов и Благој Бочварски, потоа градоначалникот на општина Штип, Иван Јорданов, претставници на Еврејската заедница, државни институции, политички партии и здруженија, кои оддадоа почит пред споменикот на депортираните Евреи во центарот на градот. Маја Нано од Еврејската заедница рече дека Општината секоја година им оддава почит на 7.144 евреи кои беа депортирани, однесени во логорот на смртта Треблинка. 

Љубомир Петровски од Еврејската заедница дополни дека се уште има живи сведоци. 

-Се уште има живи сведоци не се многу на број, но се доволни за да ја споделат тежината, која што ја поминале за тоа време- вели Петровски. 

Одбележувањето на 83 години од депортацијата на Евреите  почна денеска од Штип, а наредните денови продолжува во Битола и Скопје.

МИА