Во Шпанија се одржуваат локални и регионални избори
Шпанија денеска гласа на локални и регионални избори кои ќе ги тестираат шансите на премиерот Педро Санчез да остане на власт по општите избори подоцна оваа година.
Санчез, кој е на функција од 2018 година, управува со четвртата по големина економија во еврозоната во коалиција со екстремно левичарскиот Подемос.
Од 12-те автономни покраини што гласаат денеска, 10 се управувани од социјалистите – сами или како дел од коалиција.
Главната опозициска конзервативна Народна партија (ПП), која со месеци е на врвот на анкетите, ги нарече денешните избори – референдум за Санчез.
Охрабрена од целосниот колапс на десниот центар Сиудаданос (Граѓани), ПП е уверена дека може да ги освои шесте региони управувани во моментов од левицата и да ја зајакне својата позиција во Мадрид, најбогатиот регион во Шпанија. Анкетите покажуваат дека партијата е особено добро позиционирана во четири региони, Ла Риоха и Арагон на север, Валенсија на исток и Балеарските Острови со познатиот остров за одмор Ибица.
Ново на Сител
-
Поништено судењето за смртта на Марадона, процесот од почеток
-
Премиерот Мицкоски утре во Будимпешта ќе има средба со Орбан и ќе присуствува на СРАС конференцијата
-
Викендов авионска дезинсекција против комарци во Скопје
-
Иванишевиќ нов тренер на Циципас
-
Милановиќ: Ниту една држава веќе нема да влезе во ЕУ, можеби само Црна Гора
-
Лишен од слобода криминалец баран со потерница
-
Миле Тодоров кој исчезна во јануари, виден кај планината Серта
-
Тепачка за имот во с.Кадино, се пресметале 83-годишник и 65-годишна жена