Во шест операции во Средоземното Море спасени речиси илјада мигранти

Речиси илјада мигранти беа спасени вчера во шест операции во Средоземното Море. Четири лица беа пронајдени мртви во еден брод, соопшти италијанската крајбрежна стража.

Од бродот каде биле пронајдени телата спасени се 400 мигранти. Во шесте операции на околу 50 км. од либискиот брег се спасени 945 луѓе, соопшти хуманитарната организација Мајгрант офшор еид стејшан базирана во Малта.

Според МОМ во Италија меѓу 1 јануари и 3 јули оваа година во Средоземното Море пристигнале над 67.000 мигранти.