Во самоубиствен напад во Камерун најмалку седуммина загинати

Најмалку седум лица се убиени и 14 ранети во самоубиствен бомбашки напад во село, каде се наоѓаат раселени лица во камерунскиот Далечен север, соопшти Агенцијата за бегалци на ООН (УНХЦР).

Тоа е втор ваков напад во овој регион за еден месец.

Нападот се случил во Голдава, близу границата со Нигерија, каде 18.000 луѓе побегнаа од растечкото насилство.

Никој досега не презеде одговорност за нападот.