Во прекин сообраќајот на ГП Евзони (Богородица), нормализиран на преминот Ники (Меџитлија), непречено се одвива на ГП Дојран

Сообраќајот на ГП Евзони (Богородица) од 17 часот е повторно блокиран за влез и излез. Автомотосојузот на Македонија претходно денеска соопшти дека сообрачајот на овој граничен премин е во прекин од 11 часот, а пота дека е нормализиран од 15 часот. 

Поради штрајк на грчките земјоделци, овој граничен премин неколку дена во различни периоди од денот е блокиран за сообраќај. 

АМСМ вечерва информира дека од 17 часот е нормализиран сообраќајот на ГП Ники (Меџитлија), а на ГП Дојран се одвива непречено.

Како што информира Автомотосозјуот, сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите каде што има можност од појава на одрони.

-Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, укажува АМСМ. 

МИА