Во oпштина Илинден поставена нова линија за осветлување во должина од 6 километри

Од почетокот на годината досега во општина Илинден е поставена нова линија за осветлување во должина од шест километри. 

Паралелно со инсталирањето на новите линии за улично осветлување поставени се повеќе нови бандери, како и 100 нови сијалични места, со што во моментот уличното осветлување во општина Илинден располага со над 1.650 улични светилки. Извршена е и замена на повеќе од 550 стари дотраени светилки со нови штедливи светилки.

- Со проширувањето на мрежата за јавно осветлување која што сега е во должина од 90 километри, значително ќе се подобри осветленоста на локалните патишта и улици и ќе се придонесе за поголема безбедност на сите учесници во сообраќајот, информира општина Илинден.