Во општина Чаир се реализиран проектот „Чисти и здрави“
Во општина Чаир се спроведува проектот „Чисти и здрави“, чија цел е развивање на свеста за чиста животна средина кај најмладата популација преку градење на вредносен систем за формирање на идни еко-свесни генерации.
– Акциите се насочени кон едукација на најмладата и најранлива категорија од општина Чаир – децата од предучилишна возраст за животната средина, навиките за чиста околина како и развивање на свест за еколошки одговорно однесување, соопштија од Општина Чаир.
Проектот ќе се реализира во период од јуни 2019 – мај 2020 година, а во тој период ќе бидат спроведени повеќе активности, меѓу кои изработка на илустрирани сликовници за чиста животна средина адаптирани и за деца со посебни потреби, продукција на анимиран видео-клип за животната средина на тема: Што е животна средина и како да ја одржиме чиста со превод на знаковен јазик, развој на мобилна апликација (игра) за поттикнување на свест и грижа кон животната средина, соодветно прилагодена за целната група, посета на сите градинки во општина Чаир, презентација на сликовниците и објаснување на важноста за грижа кон животната средина преку пристап соодветен за целната група, информирање за апликацијата која може да ја играат заедно со родителите…
Проектот го имплементира Здружението за регионален развој, Балкан Економик Форум (БЕФ), а е поддржан од Цивика мобилитас, програма на Швајцарската агенција за развој и соработка (СДЦ).
Ново на Сител
-
Тема на денот со Ивица Боцевски
-
„Шопен под отворено небо“ во Градскиот парк
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори
-
Мицотакис бара почитување на Преспанскиот договор
-
Тројца министри за здравство стануваат пратеници