Во опасна акција, новозеландската војска извлече шест жртви на вулканска ерупција
Членови на војската на Нов Зеланд, опремени со заштитни маски и специјални одела, извлекоа шест тела од вулканскиот Бел остров каде претходно неделава се случи ерупција, а лекарите и натаму се борат за животите на тешко повредените лица, кои се здобија со изгореници.
Операцијата беше посебно ризична поради непосредната опасност од нова ерупција. Властите под притисок на семејствата на жртвите се согласија да ја изведат операцијата, иако опасноста од нова ерупција во следните 24 часа беше проценета на 50 до 60 отсто.
„Телата на жртвите се извлечени со хеликоптери, во кои имаше осуммина елитни припадници на новозеландската војска“, соопшти полицијата. Шест од осум тела се извлечени од островот и префрлени на морнарички патролен брод, со кој ќе бидат транспортирани на копно, каде ќе се изврши идентификација.
При ерупција на вулкан во понеделникот загинаа најмалку 16 лица, кои престојувале на туристичкиот Бел остров. Повеќето од 29-те преживеани се сè уште во болница, од кои 22 на Нов Зеланд и седум во Австралија.
Во моментот на ерупција на островот имало 47 туристи и водичи од Австралија, САД, Велика Британија, Кина, Германија, Малезија и Нов Зеланд.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд