Во Охрид гужви насекаде, полни кафулиња и редици пред маркети

Главниот туристички центар е полн со гости од сите градови ширум државата. Доцна синоќа колони возила до последниот час односно до 21 часот до стартот на полицискиот час пристигаа во градот. Голем број на граѓани денеска може да се видат покрај чаршијата, кејот и плажите долж Охридското езеро. Викенд становите се целосно исполнети, дел од охриѓани уште вчера реагираа на ваквата одлука бидејќи сметаат дека на овој начин може да дојде до ширење на заразата, пак останатиот дел на социјалните мрежи ги нудеа својте апартмани, соби.. 

Од пазарната инспекција пак најавија дека се мобилизирани и дека за време на продолжениот празничен викенд ќе вршат контроли кај станоиздавачите.