Во натпреварот за пласман Македонија ја победи Јужна Кореја со тоа го освои 27 место
Нашата репрезентација добро го почна натпреварот и ги казнуваше грешките на противникот и преку контри брзо стигна до предност од 8:4 во 9.минута. Четири од овие осум голови постигна Костески сите од контра. Во продолжение по тајм аутот на Лазаров стигнавме и до највисоки +6 во првиот дел (17:11). Но, потоа Јужна Кореја со серија од 6-1 успеа да ја врати неизвесноста пред се откако ја смени одбраната во 3-3. За разлика од почетокот на дуелот ривалот помалку грешеше во нападот и тоа донесе резултат на полувреме од 20:19 за Македонија.
Повторно Македонија ја зголеми предноста на + 3 (23:20), но потоа ние постигнавме два гола, а Кореја 6 за прво нивно водство од 26:25 во 43.минута. Удел во водството на противникот имаше и голманот Парк, кој за 12-тина минути имаше шест одбрани од кои два седмерци на Кузмановски (Македонија до овој дуел немаше промашено седмерец), а потоа седмерец не реализираше и Серафимов (одбрани Ким). Во последните десет минути Македонија најчесто имаше предност од 1-2 гола. Кузмановски беше најефикасен со 8 голови, a Томовски имаше 13 одбрани.
Во натпреварот за пласман Македонија ја победи Јужна Кореја со 36:33 (20:19) и со тоа Македонија го освои 27.место со три победи и четири порази.
Ново на Сител
-
Белградски енергетски форум на 13 и 14 мај во Белград
-
Изречени 130 санкции за брзо возење на територија на државата
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан
-
Поранешниот лидер на Златна зора, осуден за водење криминална организација, ќе биде пуштен од затвор
-
Курти: Ги исполнивме сите барања на ЕУ за укинување на рестриктивните мерки
-
АСО: Неоправдано и без основа зголемувањето на цените на осигурувањето од задолжителна автомобилска одговорност
-
Почина таткото на Тоше, Никола Проески